என் உயிர்த் தோழா

பத்து வயதில் பல் இளித்தாய்
கை கோர்த்தாம் இருவரும்
என் வெற்றிப்படியின் ஒவ்வோரடியிலும்
நீ துணையாய்
நீ இன்றித் தேர்வேதும் எழுதியதில்லை
உனைப் பிரிந்தால் சம்பளமும் எனக்கில்லை

என் காதலுக்குத் தோள் கொடுத்தாய்
எனக்காகக் கவிதைகள் வடித்தாய்
திருமணமும் நீ நடத்தி வைத்தாய்

இத்தனையும் செய்த நீ
ஏனடா தொலைந்து போனாய் யென்னைவிட்டு
என் உயிர்த் தோழா....
.
.
.
என் ஊற்றுப் பேனா